Christian Books

"Vriendin, dankie dat ons hierdie pad saam kan stap."

In "'n Ewige kroon" getuig die gewese Mej. Suid-Afrika Demi-Leigh Tebow hoe gevaarlik dit is om ons identiteit aan ons prestasies te koppel.
Demi-Leigh neem ons saam met haar op haar reis na selfvertroue. Waar sy aanvanklik haar identiteit op eerbetuigings en haar eie pogings gebaseer het, tot sy die rotsvaste sekerheid van 'n lewe geanker in die Skepper ontdek het. Dié reis verweef haar lewensverhaal met die insigte wat sy langs die pad verwerf het.
"'n Ewige kroon" is propvol vrae om te oordink, wysheid uit die Bybel en praktiese insigte om op jou eie toe te pas. Demi-Leigh sal jou aanmoedig, uitdaag en inspireer om:

• te DELF in die onwaarhede wat jou terughou;
• die waarheid in jou wese te PLANT dat God getrou is en jou sal lei na jou ware self;
• te GROEI deur die lewe se onvermydelike pyn tot aanvaarding van God se wonderlike plan vir jou; en
• te FLOREER deur teenwoordig in plaas van perfek te wees.

Die doel van ons lewe is om God en ander lief te hê en te dien. Demi-Leigh wys hoe jy kan leer om op jou roeping eerder as op jou aspirasies te fokus, sodat jy 'n voetspoor van betekenis, eerder as een van sukses, nalaat.

24/12/1818 - Oukersaand. 'n Klein dorpie in Oostenryk. Armoede vier hoogty. 'n Hulppriester, Joseph Mohr, en 'n onderwyser, Franz Xaver Gruber, wil die mense 'n spesiale geskenk op die heilige aand gee - 'n geskenk van troos en hoop.

So ontstaan die lied "Stille nag, heilige nag" en word nog dieselfde aand in die kerk van Oberndorf/Salzburg uitgevoer.
Diep getref deur 'n ware geskenk is die mense dié aand huis toe.
En die gevoel word telkens in die tyd herhaal, oral waar die lied opklink, oral waar mense oor grense heen deur die lirieke en melodie aan mekaar verbonde voel. Die lied word reeds in meer as 140 tale gesing.

Sy oorsprong is aangrypend vir oud en jonk, en die resultaat 'n ware gesinsboek.
Mathys Roets is welbekend en sy sang geliefde - sy besondere interpretasie van die lied en ook sy inspirerende vertelling is vasgevang op die spesiale CD wat deel vorm van hierdie pragboek.

"Hierdie boek wil storietyd terugbring - daardie wonderlike tyd wanneer gesinne tyd saam deurbring en stories vertel. Die doel is dat jong kinders hulle met die karakters kan vereenselwig, asook wysheid sal vind vir 'n vreugdevolle lewe. Dit is ons opregte hoop en gebed dat hierdie stories daartoe sal bydra om 'n Godgesentreerde lewe te kweek." - Thuli Madonsela

'Dit verg 'n hele gemeenskap om 'n kind groot te maak.' - Spreekwoord uit Afrika


"Melo se koninkryk" neem kinders op 'n wonderlike avontuur saam met Melo en haar spesiale dierevriende, soos koningin Nzinga die olifant, Kiboko die seekoei, Ganga die apie en Zenzo die sebra. Elkeen van die opwindende verhale fokus op 'n spreekwoord uit Afrika en vervleg Bybelse beginsels met prettige aktiwiteite.

Hierdie verhale bevat pêrels van wysheid en beginsels wat lesers sal aanmoedig om waardes soos liefde, goedheid, respek, integriteit, dapperheid en om in jouself te glo in hul lewens te kweek. Die pragtige illustrasies sal lesers wegvoer na 'n wonderlike wêreld ver hiervandaan.

Held of Skurk? Besluit self!

Wat was Dawid se slegste oomblik? Wie was die enigste dissipel wat Jesus se plan om 'n vriend te besoek, ondersteun het - al kon dit hulle dood beteken?

Die opwindende insigte en lewendige illustrasies van hierdie unieke boek help jou om meer uit te vind oor die agtergrond van mense wat lank terug deur God in sy verlossingsverhaal gebruik is. Dit het:
• Interessante inligting oor die grootste uitdagings en eiesoortighede van meer as 75 Bybelkarakters.
• Historiese konteks sowel as aanduidings oor waar dié historiese plekke vandag is.
• Fassinerende inligting, wonderbaarlike gebeure en feite oor kos, klere en tradisies.

Die verrassende verhale en wonderlike waarhede in hierdie uitstekende bron sal jou 'n kenner maak oor van die interessantste helde en skurke in die Bybel.

Maria is verwonderd oor hoe lief sy vir die Seun is wat nog gebore moet word.
'n Lammetjie sien helder ligte aan die hemelruim. Wat kan dit wees?
'n Engel het 'n wonderlike boodskap - met sulke goeie nuus kan hy nie ophou sing nie!

In "Die Aksie-Bybel: Jesus se geboorte" deel ooggetuies wat hulle beleef het toe Jesus gebore is - van Jesaja tot Sagaria, Elisabet en Maria, 'n duif wat in die stal was toe Jesus gebore is, tot 'n kameel wat deur die woestyn op reis is.

Hoe sou jy gevoel het as 'n engel jou genooi het om Jesus te sien? Wat as jy 'n jong sterrekundige was wat 'n nuwe ster in die hemel sien? Of 'n donkie wat Maria dra op haar reis na Betlehem? Die verhale in "Die Aksie-Bybel: Jesus se geboorte" benader Jesus se geboorte vanuit 'n unieke perpektief, en die vrae vir nadenke sal jou en jou gesin Jesus se koms op 'n vars en unieke manier laat ervaar.

"'n Lewe naby aan God skep liefde vir ander gelowiges, en uiteindelik is dit hierdie positiewe houding teenoor medegelowiges wat meebring dat jy almal liefhet." - 2 Petrus 1:7

In "'n Lewe naby God" wys gewilde skrywer Nina Smit die vrou van vandag hoe om werklik elke dag met vreugde in God se teenwoordigheid te leef. Met 'n spesiale onderwerp vir elke maand inspireer hierdie oordenkings 'n vrygewige en dankbare hart, 'n positiewe ingesteldheid, 'n betekenisvolle gebedslewe en 'n dieper liefde vir God.

Hierdie prettige soek-en-vind-boek bevat 12 Bybeltonele uit die Ou en Nuwe Testament en stel kinders bekend aan van die bekendste Bybelstories en -karakters.

Met 'n prettige andersoortige benadering, soek jy nie net na belangrike voorwerpe in die tonele nie, maar ook na mense wat nie daar hoort nie!
Elke storie word deur 'n bekende Bybel-karakter vertel wat op een of ander manier in die verkeerde toneel beland het.
Hierdie verandering maak dinge interessant en pret terwyl die karakters probeer uitwerk waar hulle is.
Soos hulle rondkyk, vergelyk die karakters die toneel waarin hulle is met hul eie stories.
Kan hulle uitpluis wat aangaan?
Kan jy?

Kan jy elke verdwaalde storieverteller opspoor? Terwyl jy dit doen, kan jy hulle help om uit te vind waar hulle is deur die ander voorwerpe in elke toneel te vind!

"Great is his faithfulness;
his mercies begin
afresh each day."
- Lamentations 3:23

"Mini-oordenkings vir vroue" is 'n geskenk van hoop en vreugde. Die 180 kort en inspirerende oordenkings sal elke vrou aanmoedig om God se belofte van onfeilbare liefde te koester.

Klein Beertjie is baie nuuskierig en hou daarvan om sy Bybel te lees en meer oor God te leer. Kom krul saam met hom op onder die sterre en verbeel jou hoe dit was die aand toe Jesus gebore is.

"Klein Beertjie ontmoet vir Baba Jesus" is 'n wonderlike manier om jou 3- tot 6-jarige van Jesus se geboorte te vertel.

Is daar krag in gebed?

Maak dit enige verskil as 'n gelowige bid? Verander dit dinge? Al laat gebed God nie van plan verander nie, het God tog gebed vir ons gegee as 'n manier om sy wil te laat geskied. Ons kan seker wees dat gebed wel dinge verander - ook ons harte.

Dr. R.C. Sproul bevestig in "Maak gebed 'n verskil?" dat gebed 'n uiters belangrike rol speel in die lewe van 'n gelowige en roep ons op om met vreugde en hoop voor God te verskyn. Hy deel praktiese wysheid en help ons om die doel, vorm, praktyk, voorwaardes en krag van gebed te verstaan.

In die "Belangrike vrae"-reeks bied dr. R.C. Sproul bondige antwoorde op belangrike vrae waaroor Christene en soekendes wonder.

Klein Beertjie is baie nuuskierig en hou daarvan om sy Bybel te lees en meer oor God te leer. In hierdie storie leer Klein Beertjie dat hy net so dapper soos Ester kan wees deur te kies om altyd die waarheid te praat.

"Klein Beertjie praat die waarheid" is die ideale wegspringplek om 3- tot 6-jariges te leer dat dit altyd die beste is om die waarheid te praat, al is dit moeilik.

Klein Beertjie is baie nuuskierig en hou daarvan om sy Bybel te lees en meer oor God te leer. Wanneer Klein Beertjie nie vir Stinkie Stink na sy partytjie wil nooi nie, leer Mamma Beer hom hoe Jesus 'n vriend was vir Saggeus.

"Klein Beertjie nooi 'n nuwe maatjie" is die ideale manier om jou 3- tot 6-jarige te leer hoe om God se liefde aan ander te betoon.