Welkom op die eiland Molm...

Hierdie eiland is die tuiste van 'n groot groep gemene grootmense. Die skool, die park, die speelgoedwinkel en selfs die eiland se roomystrokkie behoort aan gruwelike grootmense wat dit terdeë geniet om kinders aaklig te laat voel. En die eiland word besit deur die gruwelikste grootmens van almal - tannie Frieda Vraat!
Iemand moet iets aan die saak doen. Maar wie sal dapper genoeg wees?
Ontmoet Ned - die buitengewone seun met 'n spesiake superkrag: SLYMKRAG!

Londen, 1899.
Hierdie storie gaan oor 'n weeskind wat tien jaar oud is en 'n mammoet wat tienduisend jaar oud is...

Elsie hoor van die geheimsinnige YSMONSTER - 'n wolhaarmammoet wat by die Noordpool ontdek is - en is vasbeslote om meer daaroor uti te vind... Elsie kom van aangesig tot aangesig met die mammoet en beleef die avontuur van 'n leeftyd - van Londen af, oor ontstuimige oseane, tot in die hatjie van die Arktiese sirkel!

Brittanje, 'n honderd jara van nou af...

Londen lê in puin, die mense is honger en die hele koninkryk is in stikdonkerte gehul. Prins Alfred, 'n tingerige boekwurm, het nog nooit die veiligheid van Buckingham-paleis verlaat nie. Toe Alfred se geliefde ma, die koningin, na die Londense Tower weggesleep word, moet die seun al sy moed bymekaar skraap om op 'n epiese avontuur te gaan sodat hy haar - en die hele wêreld - kan red.

Reis vooruit in tyd en geniet hierdie fantastiese avontuur - 'n storie vol mites wat jou tot reg aan die boeiende einde vasgenael sal hou.

Net toe jy dink dis veilig om terug na jou boekrak te gaan...
TIEN NÓG AARDIGER KINDERS!
Sit die boek neer en hardloop...

Dink jy oulike kinders is vervelig?
Wil jy graag DIE AARDIGSTE KINDERS OP AARDE ontmoet?
Ek het so gedink. Kom gerus binne...

Since the 1940s, humans have blasted all kinds of animals into.
This is the story of what happened next...

Welkom by die Middernagbende!

Middernag is wanneer die meeste kinders op aarde vas slaap, behalwe natuurlik... die Middernagbende! Dis wanneer hulle avonture eers regtig begin...

Kom reis saam op 'n towertapyt en ontdek die gunsteling-stories van kinders regoor die wêreld!

Hierdie pragtig geïllustreerde boek bevat 32 fantastiese stories wat al eeue lank in verskillende lande vertel word.

1940. Brittanje voer oorlog teen Nazi-Duitsland.

Die elfjarige Eric bring die meeste van sy dae deur in die plek wat hom die gelukkigste maak: die Londense dieretuin. En daar is een dier wat hy ontsaglik liefhet: Gertrude die gorilla. Terwyl daar oral in Londen bomme val, moet Eric vir Gertrude red. Saam met sy oom Sid, 'n opsigter by die dieretuin, vlug Eric en Gertrude. Maar terwyl hulle in 'n seedorpie wegkruip, vlek hulle 'n hooge geheime Nazi-komplot oop...

"Kodenaam Piesangs: is 'n gilsnaakse en aksiebelaaide avontuur vir die hele gesin.

Wat kry jy as jy VYF van Jaco Jacobs se stories in een boek bymekaarsit?
"Die GROOT Jaco Jacobs-storieboek", natuurlik! En dit gaan jou tone laat omkrul van lees-lekkerte.

Het jy al ooit gewonder wat sal gebeur as jy 'n hele week lank nie tande borsel nie?
Sal jy daarvan hou as jou bababoetie superheldkragte het?
Wat sal jy doen as jy ontdek die nuwe meisie in jou klas is 'n meermin?
Is feetjies regtig so oulik en gaaf soos almal dink?
En wat moet jy doen as jou vriende 'n klomp raserige dinosourusse is?

In hierdie boek is vyf skreeusnaakse stories wat jy oor en oor sal wil lees: "Koebaai, Gorilla", "Superboetie", "Borrels", "Pasop vir die feetjies" en "Die probleem met dinosourusse".

Iwan hou van niksdoen, naas eet en slaap is dit sy gunstelingtydverdryf. Hy is só lui dat die mense hom spottend Lui Iwan noem, tot sy flukse broers se groot skaamte. Op 'n dag kruis 'n geheimsinnige blinde man sy pad en voorspel dat Iwan die volgende tsaar van Rusland sal word... mits hy vir die volgende sewe jaar heeltemal níks doen nie, níks sê nie en slegs sonneblompitte eet. Die silwermuntstuk om Iwan se nek sal dan vir hom die pad wys na die kroon wat vir hom bestem is.
Iwan pak die uitdaging vasbeslote aan - en só begin 'n ongelooflike avontuur. Die pad na die tsaar se kroon is vol struikelblokke en gevare, maar sommer gou is dit duidelik Lui Iwan word Sterk Iwan: 'n onverskrokke held wat met sy geweldige krag selfs vir Baba Jaga kan ore aansit!

Morrigan Crow is vervloek. Bestem om op haar elfde verjaardag te sterf.

Maar toe die klok middernag slaan, word sy deur 'n merkwaardige man genaamd Jupiter Noord weggevoer na die geheime stad Nimmermeer. Daar word sy genooi om by die Wondergenootskap aan te sluit. 'n Lewe vol misterie en towerkrag wag op haar - mits sy vier onmoontlike proewe kan baasraak, met behulp van 'n uitsonderlike talent. 'n Talent wat sy nie het nie...

<In stilte het hulle geluister na die geruis van die windskewe woud om hulle. "Dalk is dit hou die bome in die hemel lyk," het Gibor hardop gedink.
"Waar is die hemel?" wou Eron weet.
"By die Waterplek.">

Drie herfse het verloop sedert dié dag toe Gibor Verberger so halfterloops die bestaan van die Waterplek bekendgemaak het. Baie water en bloed het intussen in die see geloop en nou verlaat die sewentienjarige Eron Verberger uiteindelik sy geboorteland in die hoop om die laaste Geseënde en sy pa by die Waterplek te vind: die skuilplek in Afrika wat Gibor vir die vlugtelinge van die Vuurstorm voorberei. Die seereis is lewensgevaarliken sy verhouding met Lia is 'n ingewikkelde vervlegting van wantroue en begeerte. Sy pad kruis met 'n flambojante heerseres, 'n dogtertjie wat reënwind maak en 'n toweragtige bergvesting. Van die Onbekende Eilandgroep tot Olam, van Waširgzondou tot die Waterplek word Eron tot die uiterste gelouter, en moet hy homself afvra: Is hy waaragtig die honderdste Bergengel van Gabriëllië.

Huis Madeliefie se inwoners word deur die staat se vlak 5-inperking in die gesig gestaar. Hans van Kraaienburg besef dit gaan elke faset van hul lewens raak, want teen hierdie virus groei geen kruid nie. Maar die drakoniese reëls wat die tehuis se interne bevelsraad uitvaardig, kry nie vatplek by Hans en kie nie. Om sake te vererger, is Hans oor die hoof gesien as leier van die bevelsraad. Altoon Ahlers, 'n befaamde akteur van weleer en 'n onlangse inkommer met 'n buitengewoon hoë dunk van homself, neem die leisels.
Ná verskeie ontberinge en vernederinge, besluit Hans hy het klaar bek gelek en stert geswaai. Dis tyd om die Groot Akteur se opgepompte spietjies te prik. Vriend Vasie voorspel daar gaan groot sports kom. Hans se plan om die inwoners met die verbode vrug se sap aan sy kant te kry, boemerang egter sleg. Hy sal Ahlers op 'n ander manier moet onttroon. Maar dit beteken dat Hans die ondenkbare moet doen. Hy sal die bioborrel moet bars...

'There is something I'm missing... something I've forgotten. But what?'

Trapped in a world in which she clearly does not belong, Annabel tries to make the most of her life despite the strange abnormalities. However, that all changes in a single day. Now in a world as dangerous as it is wonderful, she discovers her life intertwined with both questions and dark magic.
Following the inquiry of a mysterious visitor, Annabel and her two best friends embark on a journey to save countless lives before it's too late. Astonishing revelations are made along the way, foreshadowing the massive journey ahead... and then there's still the lingering question.
What happened eight years ago?

Tussen die duiwel en die diep blou see...


Ludo Labuschagne breek weg saam met 'n klompie mense - en selde was die syfer 13 al so ongelukkig. Die dood lê besoek af nog vóór die groep hulle bestemming, 'n private eiland, bereik.

Hoe later hoe kwater. Wie wil vir wie dood hê? Om watter rede? Wie gaan in die slag bly: Una, die weduwee en weldoener van die groep, dominee Attie, sy lankmoedige vrou en hulle tieners, die selfingenome akteur Toon, die jong sielkundestudent Suné, die weermagvriend Cor, die Pedrito's wat daar is om die huishouding seepglad te laat loop, of Ludo, sy ma en oom Dippie?

Nêrens kom jy verder weg van alles as op 'n eiland nie. En nêrens is jy so blootgestel wanneer daar moord in die lug is nie...


"Blou moord" is nommer 3 in François Bloemhof se wiedoenit-speurreeks. Die vorige titels is "Die duiwel maak my hart so seer" (2021) en "Kry vir jou" (2022).

Terug na 1981.
Februarie, warmste maand in die Kaap.


Op 'n wynplaas buite Stellenbosch woed 'n vernietigende vete tussen die broers Christiaan en Jacobus de Wet. Watter een van hulle (of wie anders) is dit wat die vlamme so aanblaas?

Ludo Labuschagne, die onverskrokke (soms baie onverskrokke) held, is net die man om dié tergende raaisel op te los en geregtigheid te laat seëvier.

Prikkelende karakters. Verassende situasies. Gevaar. Humor. Moord...

Sal Ludo betyds uitvind wiedoenit? Of is die eise van sy tweede saak te straf?

<"Dis alles Bloedskuld, Malherbe. Dis die kruks, is dit nie?" sug Charlie en tuur uit oor die water. "Jy gee hulle net soveel as wat jy wil."
"Dis skuld." Sy stem wankel. "Jy moet betaal tot jy klaar is... Jy kan nie terughou nie. Dis nie hoe dit werk nie."
"Wat as dit kon?" vra sy, met daardie amper-glimlag. "Niks meer as wat jy wil nie. As hulle dink hulle kan meer uit jou kry... is jy 'n goner."
"Charlie?" fluister hy, maar die wind ruk dit weg. Dit gebeur in 'n oogwink. Een oomblik is Charlie daar, teruggetrekte skouers, hare in 'n stralekrans. Die volgende oomblik is sy weg.>

Malherbe "Vuur" Albertyn beplan om die somer in Kransbos te spandeer om die magiese Ylwoud te vind. Desperaat op soek na antwoorde, na iets buiten die Bloedskuld wat hy en sy Branderjaer-broers steeds in die arena betaal. Desperaatheid dryf ook vir Mieke om te waag om haar drome na te jaag. Maar dit beteken sy moet Vuur se vertroue wen - die één ou wat haar nie kan verdra nie. En dan is daar Jak, en alles wat ongesê bly tussen hulle... Kan sy ontsnap deur saam met Malherbe in 'n onvoorspelbare bos te gaan verdwaal? Is Ylwoud die antwoord op Charlie se verdwyning? Vir beide van hulle wag daar 'n besluit: waag of waarheid...

Maar daar is nie altyd 'n keuse nie.